又到一年一度的農曆新年啦!每年呢個時間,大家都會一窩蜂咁四圍去搜羅靚水果返屋企過肥年,今年就等小編帶大家行一次過年水果巡迴啦!

 

塔斯曼尼亞車厘子

每年的塔斯曼尼亞車厘子都成為辦年貨的首選,是因為它的質素好,而且款式多。塔斯曼尼亞幾款最出名的品牌,就等小編為大家一一介紹啦!

 

塔斯曼尼亞最出名的牌子無非都是【T.R紅鑽石車厘子禮盒】、【43° South 43度車厘子禮盒】及【Reid’s 金袋鼠車厘子】,呢三種可謂平分秋色。邊個牌子好食啲雖然就好難講,但小編分享幾招俾大家,等大家都簡到最高質素的車厘子啦

 

第一招:睇品種

一般品種都會印在盒身,包括最為港人喜愛的Lapin,Sweetheart等等;以Lapin為例,呢款車厘子的果肉呈深紅色,而且車厘子味香濃。

 

 

第二招:睇Size

每盒車厘子除了會列明品種外,還會列明每粒車厘子的Size,而一般Size由28mm至34mm不等,市面最多的Size 通常都是28mm, 30mm和32mm,而Size 愈大一般價錢愈貴

 

第三招:睇果肉質素

始終是水果,就算品牌更好,果肉都總有高質素和較差質素,大家只能簡質素保持得較穩定一點的水果占。一啲服務較好的水果店在顧客選購時,會Show埋俾顧客睇果肉的色澤、果皮是否完好、少皺皮和裂口等等

 

第四招:簡有信譽的水果店

每年果欄過時過節都人山人海,大家都渴望簡到平、靚、正的水果。但是近年都不時傳出有假日本香印、假塔斯車厘子的消息。這些仿真水果不論外表、包裝都和真的水果非常相似,而且每年都會更新它們的包裝。可能學了一些防偽特徵嘗試去認,但上年的方法今年又未必Work了。所以計小編話,寧願俾貴少少價錢,去一啲有信譽的水果店,有售後服務有跟進,好過貪一時之平買到假水果返到屋企一肚氣嘛。依小編話,新年最緊要一團和氣!